Formación
Método
A nosa metodoloxía baséase nunha pedagoxía constructivista onde a investigación –acción – reflexión– participación están sempre moi presentes.
Principios
Susténtase en valores sociais (participación comunitaria, respeto, cooperación, pertenza, convivencia e traballo en equipo) e tamén valores persoais (capacidades físicas, habilidades motrices, mentais e emocionais, creatividade, reto persoal, autocoñecemento).
Escola de
Tempo Libre
Cursos
homologados
Paspallás e unha escola oficial recoñecida pola Xunta de Galicia.
Entendemos a formación como un espazo plural, aberto, crítico e creativo cara unha especialización e actualización de educadoras/es en contextos non formais, sociais e comunitarios.
A través da formación crecemos como persoas e nos enriquecemos como colectivo plural e diverso.
Dende a investigación – acción – reflexión – participación traballamos valores sociais (desenvolvemento comunitario, respecto, cooperación, pertenza, convivencia e traballo en equipo) e tamén valores persoais (capacidades físicas, habilidades motrices, mentais e emocionais, creatividade, coñecemento do ser).
Monitores ou monitoras de actividades de tempo libre (primeiro nivel).
O obxectivo é capacitar as persoas para organizar, dinamizar e avaliar actividades de tempo libre.
Aplicamos técnicas de animación grupal, incidindo na educación en valores e atendendo ás medidas básicas de seguridade e prevención de riscos.
Ámbitos profesionais da titulación: campamentos, albergues, colonias, granxas-escolas, aulas e escolas de natureza, centros educativos, centros para a terceira idade, discapacidade, bibliotecas, etc.
Director ou directora de actividades de tempo libre (segundo nivel),
O obxectivo é planificar, organizar, xestionar, dinamizar e avaliar proxectos de tempo libre educativo, asumindo a creación, control e dinamización do equipo monitores e monitoras.
Ámbitos profesionais: coordinador/a ou director/a de tempo libre, responsable de proxectos de tempo libre educativo, coordinador/a de campamentos, de albergues de mocidade, de casas de colonias, de granxas-escola, de escolas de natureza, coordinador/a ou director de actividades para curriculares no marco escolar, etc.
Director ou directora de campos de traballo
As mesmas funcións que o curso de director/a pero no ámbito profesional concreto de campos de traballo.
Monográficos
Realizamos monográficos de medio ambiente, expresión plástica, hábitos saudables, sexualidade e recursos educativos adaptados as necesidades específicas do grupo de traballo.
Experiencias didácticas en espazos educativos
Deseñamos obradoiros e acción formativas que vinculan a creatividade e a educación a través de estratexias lúdicas.
Dende a educación plástica e a cultura visual desenvolvemos unha metodoloxía baseada no traballo por proxectos en colaboración con centros de ensino no ámbito das artes e a educación.
Caracterízanos o emprego dun metodoloxía e avaliación creativa.
